బాలీవుడ్‌ యాక్షన్‌ హీరో అక్షయ్‌కుమార్‌ని అంతా 'అక్కీ' అని ముద్దుగా పిలుస్తారు. అక్కీ అంటే యాక్షన్‌.. అక్కీ అంటే కామెడీ. అక్కీ అంటే ఇంకేదో. ఆ ఇంకేదో 'గబ్బర్‌ ఈజ్‌ బ్యాక్‌' సినిమాలో చూస్తారట. ఇందులో కొత్తగా చూడ్డానికేం లేదు. ఇది తెలుగు 'ఠాగూర్‌'కి హిందీ రీమేక్‌. ఆ మాటకొస్తే 'ఠాగూర్‌'కి ఒరిజినల్‌ తమిళ 'రమణ'. ఇక, అక్షయ్‌కుమార్‌ తాను ఏ సినిమా చేసినా కమర్షియల్‌ లెక్కల గురించే ఆలోచిస్తానంటున్నాడు. 'సినిమా అంటేనే వసూళ్ళ లెక్కలతో ముడిపడిన అంశం. సినిమా ఓ వ్యాపారం. ఇందులో ఎవరికీ రెండో ఆలోచనే లేదు. సామాజిక బాద్యత సంగతెలా వున్నా, ఖర్చుపెట్టిన నిర్మాత నష్టపోతే అసలు సినిమాకే భవిష్యత్‌ వుండదు..' అంటున్న అక్షయ్‌కుమార్‌, 'గబ్బర్‌..' నిఖార్సయిన కమర్షియల్‌ మూవీ అని చెప్పుకొచ్చాడు. ఖర్చు పెట్టినదానికి రెండింతల లాభం రావాలనే ఏ నిర్మాత అయినా కోరుకుంటాడనీ, అలాంటప్పుడు తాను ప్రయోగాత్మక చిత్రాలు చేసి తన లైఫ్‌ని రిస్క్‌లో పెట్టుకోనని అక్షయ్‌కుమార్‌ తేల్చి చెప్పాడు. ఏ సినిమాకైనా కమర్షియల్‌ లెక్కలు ముఖ్యమన్నది అక్షయ్‌కుమార్‌ వాదన.
.JPG)
No comments
Post a Comment